കരുളായി സർവ്വീസ് സഹകരണ ബാങ്ക്/ സംഘം 1974 ൽ സ്ഥാപിതമായി. കിഴക്കൻ ഏറനാട്ടിലെ മലയോര ഗ്രാമമായ കരുളായി പ്രദേശത്തെ പ്രഥമ ധനകാര്യ സ്ഥാപനം. കരുളായിയുടെ പ്രാദേശിക സാമ്പത്തിക വികസന മേഖലയിൽ നിറഞ്ഞ സാന്നിദ്ധ്യം.

അന്ന് മുതൽ ഇന്ന് വരെ സാമൂഹിക പ്രതിബദ്ധത കൈമുതലാക്കി ഓരോ സാധാരണക്കാരൻ്റെയും, അവൻ്റെ നേട്ടങ്ങൾ കൈവശപ്പെടുത്തുന്നതിനു അവരോടൊപ്പം പ്രേരക ശക്തിയായി പ്രവർത്തിച്ചു വരുന്നു. ഇന്ന് ക്ലാസ്സ് 1 സ്പെഷ്യൽ ഗ്രേഡ് ബാങ്കായി ഉയർന്നു വന്നതിനും തുടർച്ചയായി ലാഭത്തിൽ പ്രവർത്തിക്കുന്നതിനും സർവ്വോപരി ജനങ്ങളുടെ ബാങ്ക് എന്ന് ഖ്യാതി കേൾക്കുന്നതിനും സഹായിച്ചത് ഗ്രാമത്തിലെ ഓരോ സഹകാരിയും ആണ്.

572 എ ക്ലാസ്സ് അംഗങ്ങളിൽ നിന്നും തുടങ്ങി 6099 അംഗങ്ങളാണ് ഇന്ന് സംഘത്തിലുളളത്. ബാങ്കിംഗ് രംഗത്ത് പുതുതലമുറ ബാങ്കുകളോട് കിട പിടിക്കുന്ന തരത്തിൽ അത്യാധുനിക വിവര സാങ്കേതിക വിദ്യ നടപ്പിലാക്കുക വഴി ഇടപാടുകാരുടെ പ്രശംസ പിടിച്ചു പറ്റാൻ കഴിഞ്ഞു. കാർഷിക അനുബന്ധ മേഖലയിൽ സജീവമായ ഇടപെടലുകൾ ഗ്രാമത്തിൻ്റെ ഉത്പാദന രംഗത്ത് പുത്തനുണർവ്വേകി. ആധുനിക ബാങ്കിംഗ് സംവിധാനങ്ങൾ ഉപയോഗിച്ച് ബാങ്കിംഗ് എന്നത് ഓരോ ഇടപാടുകാരനും എളുപ്പമാവുന്നതിനും സംതൃപ്തി ഉറപ്പുവരുത്തുന്നതിനും സദാ ബാങ്ക് പ്രതിജ്ഞാബദ്ധമാണ്.